BEST Bus news

संपादक रविंद्र भोजने l कारभारी न्युज मुंबई -
संघर्ष कामगार कर्मचारी युनियनचा आझाद मैदानात भव्य मोर्चा
मुंबई : प्रतिनिधी 
संघर्ष कामगार कर्मचारी युनियनच्या नेतृत्वाखाली काल , मंगळवार, दि. २५ फेब्रुवारी, २०२५ रोजी, आझाद मैदान येथे मोठ्या प्रमाणावर मोर्चा काढण्यात आला. या मोर्च्यात एस.एम.टी.ए.टी.पी.एल. असोसिएट्स (डागा ग्रुप), मातेश्वरी अर्बन ट्रान्सपोर्ट सोल्यूशन्स प्रा. लि., बी.व्ही.जी. इंडिया लि. व इतर खाजगी कंपन्यांमार्फत चालविण्यात येणाऱ्या बेस्ट उपक्रमाच्या बसगाड्यांवर कार्यरत असलेल्या कर्मचाऱ्यांनी सहभाग घेतला. या मोर्च्याचे मुख्य उद्देश "समान कामाला, समान दाम" या तत्त्वाची अंमलबजावणी करणे व इतर रास्त मागण्या मांडणे हे होते.  
बृहन्मुंबई महानगरपालिकेच्या बेस्ट उपक्रमाच्या परिवहन विभागात सार्वजनिक बससेवा देण्यासाठी कायम सेवेत असलेले / पटावर असलेले कामगार कर्मचारी करीत असलेले काम व एस.एम.टी.ए.टी.पी.एल. असोसिएट्स (डागा ग्रुप), मातेश्वरी अर्बन ट्रान्सपोर्ट सोल्यूशन्स प्रा. लि., बी.व्ही.जी. इंडिया लि. व इतर कंपन्यांमार्फत चालविण्यात येणाऱ्या बेस्ट उपक्रमाच्या बसगाड्यांवर कार्यरत असलेल्या कर्मचाऱ्यांचे काम तंतोतंत सारखेच असल्याने, या कामगारांना "समान कामाला, समान दाम" या तत्त्वानुसार बेस्ट उपक्रमामधील समकक्ष कायम व नियमित कामगारांना लागू असलेले वेतनमान व इतर सेवाशर्ती तातडीने लागू करण्यात यावे.  याखेरीज इतर रास्त मागण्यांबाबतही तातडीने निर्णय घेण्यात यावा.  
या मागणीसाठी हा मोर्चा काढण्यात आला होता.
संघर्ष कामगार कर्मचारी युनियनचे सरचिटणीस शशांक राव यांनी या मोर्च्याचे नेतृत्व केले. त्यांनी बृहन्मुंबई महानगरपालिकेच्या आयुक्तांकडे विनंती केली की, खाजगी कंपन्यांमार्फत चालविण्यात येणाऱ्या बेस्ट उपक्रमाच्या बसगाड्यांवर कार्यरत असलेल्या कामगारांच्या या रास्त मागण्यांबद्दल तातडीने सकारात्मक निर्णय घेऊन अंमलबजावणीचे आदेश द्यावेत.  

आझाद मैदानावर जमलेल्या कर्मचाऱ्यांनी एकजुटीने आपल्या मागण्या मांडल्या. या मोर्च्यात सहभागी झालेल्या कर्मचाऱ्यांनी आपल्या मागण्यांबाबत जागरूकता निर्माण करण्यासाठी नारेबाजी केली व जाहीरनामे वाटप केले.  

संघर्ष कामगार कर्मचारी युनियनने स्पष्ट केले आहे की, जर त्यांच्या मागण्यांकडे लक्ष दिले गेले नाही तर त्यांची लढा पुढे चालू राहील. युनियनने बृहन्मुंबई महानगरपालिका व इतर संबंधित अधिकाऱ्यांकडे या मागण्यांचा तातडीने विचार करण्याची मागणी केली आहे.

Comments

Post a Comment

Popular posts from this blog

Transport News

संपादक रविंद्र भोजने l कारभारी न्युज मुंबई -
Image
विविध प्रलंबित मागण्यासाठी महाराष्ट्र राज्य ट्रक टेम्पो टँकर्स बस वाहतूक महासंघ           सरकारची भेट घेणार                                     मुंबई  : प्रतिनिधी                                      वाहन चालकांचे व मालकांचे प्रश्न मांडण्यासाठी लवकरच मंत्रालयात महाराष्ट्र राज्य ट्रक टेम्पो ट्रॅकर्स बस वाहतूक महासंघ तसेच ऑल इंडिया वाहन चालक मालक संघटना मुख्यमंत्र्यांची भेट घेणार असल्याची माहिती महासंघाचे  अध्यक्ष श्री राजेंद्र सकपाळ यांनी बुधवारी मुंबई मराठी पत्रकार संघात झालेल्या पत्रकार परिषदेत सांगितले. महाराष्ट्र राज्यामधील वाहतूक क्षेत्राशी ट्रॅक, टेम्पो, टँकर, बस,ट्रेलर,प्रवासी कार, टॅक्सी यांना निगडीत असणाऱ्या विविध समस्याबाबत त्यांना होणार त्रास तसेच त्यांच्या इतर मागण्यांबाबत चर्चा करण्यासाठी एक पत्रकार परिषद घेण्यात ...
Read more

मुंबईच्या कर्मचाऱ्यांचे विविध मागण्यांसाठी आझाद मैदानात आंदोलन सुरूच

संपादक रविंद्र भोजने l कारभारी न्युज मुंबई -
Image
उमेद कर्मचाऱ्यांचे विविध मागण्यासाठी आझाद मैदानात आंदोलन सुरू मुंबई  : प्रतिनिधी ८४ लाख ग्रामीण कुटुंबांच्या उज्वल भवितव्यासाठी शासनाच्या ग्रामविकास व पंचायत राजbविभागांतर्गत 'उमेद महाराष्ट्र राज्य ग्रामीण जीवनोन्नती अभियानास स्वतंत्र कायमस्वरूपी विभाग म्हणून आस्थापनेला मान्यता देऊन सर्व कार्यरत २८०४ कंत्राटी अधिकारी, कर्मचारी यांना शासनाच्या समकक्ष पदावर कायमस्वरूपी सेवेत समाविष्ट करून घेणे. उमेद संघटनेच्या वतीने दिनांक ०७ ऑक्टोबर २०२४ रोजीपासून आझाद मैदान येथे प्रभाकर गावडे संघटनेचे मार्गदर्शक तथा कृती समिती सदस्य आमरण उपोषणाला बसले असून सर्व महिला व स्टाफ धरणे आंदोलनात सहभागी झालेले असून शासनाकडून मागणी पूर्ण झाल्याचा शासन निर्णय घेतल्याशिवाय दसऱ्याला घरी जाणार नाही या निर्धाराने लाखो महिला मुंबईत येत आहेत. आपण आमच्या राज्याचे कुटुंबप्रमुख, आधार, पालक, लोकप्रतिनिधी म्हणून आपणास नम्रपणे विनंती करण्यात येते की वरील एकमेव न्याय मागणीच्या पूर्ततेसाठी सोबत दिलेल्या प्रस्तावाप्रमाणे पूर्ण होणेसाठी आपण आम्हा ८४ लाख कुटुंबाना न्याय मिळवून देणेसाठी मा. मत्रीमंडळात निर्णय घेऊन...
Read more

Mr. Vasudev Gaiyonde press कॉन्फरन्स

संपादक रविंद्र भोजने l कारभारी न्युज मुंबई -
Image
वासुदेव संतु गायतोंडेची चित्रकला सातासमुद्रापार  मुंबई दि.21(प्रतिनिधी): चित्रकला ही मानवी भावभावनांना आणि विचारांना अभिव्यक्त करणारी एक सशक्त कला आहे. याच कलेच्या माध्यमातून वासुदेव संतु गायतोंडे यांनी जागतिक पातळीवर आपली वेगळी ओळख निर्माण केली. त्यांच्या कलेची महती जगभर पोहोचली असून, आता ती पुस्तक रूपाने प्रकाशित होत आहे.अशी माहिती चिन्हचे संस्थापक-संपादक सतीश नाईक व भाषांतरकार शांता गोखले यांनी  मुंबई प्रेस क्लब येथे आयोजित पत्रकार परिषदेत दिली. या पत्रकार परिषदेला कार्यकारी संपादक विनिल बुरखे, समूह संपादक डॉ. मंजिरी ठाकूर उपस्थित होते. चिन्ह पब्लिकेशन्सने  गायतोंडे यांचे  पुस्तक २७ फेब्रुवारी रोजी  सायंकाळी ६.३० वाजता छत्रपती शिवाजी महाराज वस्तु संग्रहालयाच्या हिरवळीवर पद्मभूषण डॉ. नंदकिशोर लाड, पद्मश्री डॉ. सरयू दोशी, डॉ. फिरोजा गोदरेज, प्रयाग शुक्ला, पद्मश्री कुमार केतकर आणि अमोल पालेकर या मान्यवरांच्या उपस्थितीत  प्रकाशन करण्यात येणार आहे.. २००१ मध्ये निधन झालेले, भारतातील सर्वश्रेष्ठ कलाकारांपैकी एक असलेले वासुदेव संतु गायतोंडे यांच्या जीवन आणि कार्...
Read more